حل الفنان محمد منير ضيفا على برنامج "صاحبة السعادة" الذي تقدمه الفنانة إسعاد يونس ويعرض عبر dmc. وخلال الجزء الرابع من الحلقة تحدث محمد منير عن أسرار حياته الشخصية وكواليس جمعته مع نجوم الفن نرصدها لك في السطور التالية:

- مش قاصد الامتناع عن الزواج والإنجاب وممكن أتجوز بكرة أو بعده "صور"

-الحب موجود بتنقل من قلب لقلب، مقدرش أعيش من غير حب بحب عائلتي وبحب كل الناس.

- مش قاصد إني متجوزش أو ماخلفش فجأة لقيت نفسي فى الستينات بس على فكرة أنا لسه فاتح الباب ممكن أتجوز بكرة بعده الله أعلم.

امي توفيت سنة ١٩٨٣ ومشافتش محمد منير المشهور، وكان رغبتي أنها تعيش معايا لحد دلوقتي وتدوق من خيري.

- الغنا بينقذني وقت الفرح ووقت الحزن.

 يوم وفاة والدتي دخلت الحمام لقيت نفسي بغني، فجأه افتكرت ان والدتي ماتت الصبح وانا بليل بعد ما انتهينا من مراسم العزا ادركت اني بغني، يعني في اللحظات الحزينة مبيسعفنيش غير اني بغني.

- كنت زملكاوي بس دلوقتي بحب لاعيبة الأهلي.

- أنا من أكبر مشجعي نادي بايرن ميونخ، لكن وقت مباراة الأهلي والبافاري كنت بشجع الأهلي، وطالبت جميع المصريين بتشجيعه في كأس العالم للأندية من خلال تغريدة عبر تويتر".

- بحب شيرين جدًا دي بنت بلد وأنغام أجمل كمان كنت بروح لأنغام البيت عشان أكل سمك أمها شاطرة في السمك أوي.

- بحب السيد المسيح وبحب السيدة مريم "أم النور".

- أخدت جوايز من الولايات المتحدة الأمريكية والنمسا وألمانيا على أغنية "مدد يا رسول الله" وأطلقوا علي مطرب السلام.

- المنتج طارق الكاشف انتج لي شريطا صوفيا من 15 أغنية فيه ملخص لكل الطرق في مصر سواء الحامدية أو الشاذلية، وكان شريط تاريخي.

غنيت "مدد يا رسول الله" مع أجانب.

- كنت أجمد من عمرو دياب في كليب "القاهرة".