طرحت المطربة أنغام أغنيتها الجديدة "أنا بعته كتير"، وذلك عبر قناتها على YouTube.

تغني أنغام في "أنا بعته كتير" عن الشعور بالندم بعد سوء معاملة حبيبها، الذي دفعه للتخلي عنها، وتبدأ في لوم نفسها، وتتمنى أن يسامحها حبيبها.

الأغنية من كلمات أمير طعيمة، ألحان إيهاب عبد الواحد، وتريات هاني فرحات، توزيع وماستر طارق مدكور.

ياما قاللي بلاش... أنغام تطرح أغنية "أنا بعته كتير"

كلمات أغنية أنغام "أنا بعته كتير" :

أنا بعته كتير و وجعته كتير

وأنا فاكر أنه لايمكن يوم من ايدي يطير

وسقاني خلاص من نفس الكاس

ولايمكن هقدر اقول انه معندوش إحساس

وهلوم على مين وهغلط مين

مش هافتح بقي معاه طب أعاتبه بأي عين

مش أنا اللي بديت هديت ما بنيت

فكرت إن انا ضامنه وآديني على بعده صحيت

ياما قاللي بلاش وماتستقواش

ياما قاللي مسير الجرح يقسي وماهتمتش

لا عليه حنيت ده انا بيه ضحيت

وآديني بموت انما حبه في قلبي مابيموتش

كان حلم وضاع يا حبيبي وداع

مش طالب منك غير تسامحني انا مش طماع

الجدير بالذكر أن أنغام تستعد يوم الخميس 1 يوليو 2021 لأحياء حفل غنائي في تمام الثامنة مساءً على مسرح النافورة بدار الأوبرا المصرية.