“قصتى كئيبة ولو سألتونى يعنى إيه فرحة مش هعرف أرد”.. هكذا روت “هنية” صاحبة الـ24 عاما مأساتها لـ”اليوم السابع”.  وقالت “هنية”: “تركتنى والدتى بعد أن انفصلت عن والدى وجلب زوجة أب جبارة وأنا فى عمر 16 ومن هنا بدأت النقطة الفاصلة جعلتنى أعيش أيام سودا وتشبه الست الشريرة اللى فيلم سندريلا”.  واستكملت ودموعها تنهمر على وجنتيها قائلة: “هربت من العيشه اللى أنا فيها ووافقت أتجوز أول عريس أتقدملى وانفصلت عشان مأدركتش حجم الحياة الزوجية ولما ابتديت أفهم يعنى إيه زواج البيت كان أدمر، وكررت مأساة ووالدتى وانفصلت وأنا عندى 18 سنة، يعنى اللى فى سنى المفروض كانوا لسه فى المدرسة وقعدت سنه رجعت فيها لنفس المأساة اللى شوفتها وأنا بنت بل أسوأ كل حاجه ممنوعة الخروج الكلام من الأخر مفيش حياة فلجأت للزواج مرة أخرى”.  وتابعت: “محمد جوزى التانى كان أسوأ من الأول وحسرنى على الأيام وعايرنى بطلاقى وضربنى.. كان بتاع مزاج”، مضيفة “استحملت 7 سنين بس أعصابى تعبت لحد ما انفصلت ورفعت دعوى نفقه واتحكملى بـ240 جنيه”.