تقدمت " أ- ن " بإستغاثة إلى وزير السياحة تشتكى فيها الظلم الذى وقع عليها من فندق سنساتورى بشرم الشيخ حيث ذكرت أنها تعملفى فندق سنساتورى شرم الشيخ..... سكرتيرة تنفيذية للمدير المالى منذ 7 سنين وعقدى يجدد سنويا.
وذكرت" أ – ن " مؤخرا تعرضت للضرب بالجزمة من واحدة اسيوية بتشتغل فى النادى الصحى المأجر فى الفندق وطبعا ماعرفتش ارد الضرب ده ولا أرد الإعتداء لان جسمى قليل جدا وهى اضخم منى ومعاها البنات زمايلها من نفس بلدها احنا كلنا فى ساكن واحد بداخل الفندق كل يوم رقص وغنى ودوشة لحد الصبح ومش مهم الناس اللى تعبانة ونايمة ترتاح عمرنا ما كنا كده غير انهم فاتحين أبواب الغرف لأغراض دنيئة لأن سكن الولاد فى الدوالأرضى.
تحدثت كثيرا مع مديرتهم لعل وعسى يهدوا شوية بل بالعكس زادوا وهى مش قادرة تحكمهم كويس. المدير العام اللى يبلغوه اول واحد هو ده اللى يصدقوا دخلنى تحقيق واول مرة فى حياتى ادخل تحقيق ونتيجته انى ماشوفوش اللى اتكتب فيه وامضى على انذار نهائى بالفصل طبعا رفضت ملفى نظيف جدا مافيهوش لفت نظر و لا جزاء مافيهوش غير شهادات التدريب اللى اخدتها وجوابات شكر.
وأوضحت" أ – ن " طبعا انا كنت بلغت ادارة الأمن بالفندق و هما بلغوا المدير الليلى ولا حياة لمن تنادى.تخيل مصرية تنضرب بالجزمة فى السكن داخل مكان عملها وداخل بلدها من اسيوية وماحدش يعملها اى شىء من شدة الشعور بالقهر اللى جوايا (لأنها جت تهددنى تانى تحبى تنضربى تانى زى ما ضربتك لما شافتنى جاية من عند الدكتور) بعت إيميل للشركة كنت عندى أمل انهم يعملوا شىء مع البنات دى لكن للأسف .
وقالت " أ – ن " أن المدير وقفنى عن العمل وقرر عدم تجديد عقدى مع انى متصلة تأمينيا 7 سنين متواصل بدون إنفصال. قطعوا عيشى ظلم بين وقرار متعسف من المدير العام و المدير المالى ( المدير المالى كان دائما يهذنى بقطع عيشى ويتدخل فى شئونى الشخصية) وطلعونى اجازة طويلة اجبارى عشان اخلص رصيدى واجبرونى انى امضى على استقالة ورفضت وماليش اى حقوق غير مرتب اخر شهر.
هذا بالاضافة إنى ماكنتش بأخد مثلى الأجر لمدة سبع سنوات ومش بأخد حصتى بالأرباح السنوية ومافيش توزيع عادل لنسبة ال12% وطبعا ان ما مضيتش هايحاربنى فى كلا مكان عشان مأعرفش أشتغل أنا لا اطلب سوى تحقيق لفعل عادل يعيد لي حقوقي المعنويه وضمان حقوقي الماليه
·
