هاجم الإعلامي أسامة كمال، تصريح اللواء زكريا الغمري مساعد وزير الداخلية لقطاع السجون، والذي أعلن فيه أن السجين فى بعض المصانع بالسجون يتقاضى راتبا شهريا ما بين 3 آلاف إلى 6 آلاف جنيه.

ووجه كمال تساؤلات على الهواء عبر برنامجه " مساء dmc"، الذي يبث على شاشة "dmc" المقربة من السلطة ،  الأربعاء، قائلا: « مش عارف مين أقنع اللواء الغمري يقول هذا الكلام»، موضحا سواء كان الكلام حقيقى أو بعيد عن الواقع فى بلد الحد الأدنى للأجور فيه 1200جنيه ، لو وصلت للحد الأدنى  تقنع الناس إزاى إن المسجون بياخد مرتب 6 آلاف جنيه».

وتابع: هتقنع ازاى شعب عنده مشكلة أسعار فتقول له المساجين بياكلوا حمام ونعام، مش بس حمام، لكن حمام ونعام، في حين ان 90% من الشعب المصري ما داقش النعام قبل كده. احترت فى تصريحات المسئولين والمشكلة إنها كانت ندوة نظمتها الداخلية عن الدور المجتمعي لوزارة الداخلية.

وأوضح كمال قائلا: احنا في بلد محتاج تاخد بالك من كل كلمة بتخرج منك، موضوع الكلام مش بفلوس ولا الكلام ما عليهوش جمرك ما بقاش ينفع، لأن الكلام مش بفلوس، لأ بقى بدهب والماس ورقاب، بقى يطير أي مسؤول من مكانه في لحظة، بقى يفتح الباب لتريقة من كل الناس.